سوشل میڈیا پر پیغمبر صاحب کی تصویر ڈالنے والے ملزم طلبہ گرفتار

سہارنپور، 13 جنوری (یو این آئی) اترپردیش میں سہارنپور کے دیوبند میں سوشل میڈیا پر حضرت پیغمبر صاحب کی تصویر شے ئر کرنے والے ملزم طلبہ کو پولیس نے کل رات گرفتارکرلیا۔
پولیس کے ڈپٹی سپرنٹنڈنٹ سریش پال کے مطابق پرویندر کا بیٹا چراغ کو سوشل میڈیا پر پیغمبر کی تصویر ڈالنے کے الزام میں گرفتار کرلیا گیا ہے ۔ چراغ نویں جماعت کا طالب علم ہے ۔
واضح رہے کہ سوشل میڈیا پر تصویر ڈالنے کی اطلاع ملتے ہی ہزاروں لوگوں نے دیوبند کوتوالی پر کل شام ملزم کی گرفتاری کا مطالبہ کرتے ہوئے نعرے بازی کی تھی۔ اس واقعہ کے سلسلے میں شہر میں کشیدگی کے پیش نظر احتیاطا پولیس دستہ تعینات کردیا گیا تھا۔ ملزم کی گرفتاری کے بعد حالات نارمل بتائے گئے ہیں۔