سول ڈیفنس کور کی جانب سے ووٹربیداری ریلی

کانپور (نامہ نگار)’پہلے پولنگ پھر کھانا‘سبھی چنیں تو صحیح چنیں گے سمجھدار کی پہچان انگلی پر ووٹ کا نشان ‘جیسے نعروں کے ساتھ جمعہ کو سول ڈیفنس کور کی جانب سے پھول باغ میں ووٹر بیداری ریلی نکالی گئی ۔ ریلی کو اے ڈی ایم سٹی اویناس سنگھ واے ڈی ایم صدر یوگیندر کمار نے ہری جھنڈی دکھا کر روانہ کیا۔ ریلی میں شامل سول ڈیفنس وارڈنوں نے ووٹنگ کی اہمیت پر روشنی ڈالتے ہوئے لوگوں سے زیادہ سے زیادہ ووٹ دینے کی اپیل کی۔ پھول باغ واقع گنیش باغ سے شروع کی گئی ریلی میں تنظیم کے رضاکاروں نے شرکت کی۔ ووٹربیداری ریلی کے دوران ہاتھوں میں لئے ہوئے بینر ، پوسٹر اور نعروں کے ذریعہ رائے دہندگان سے ووٹ دینے کی اپیل کی گئی تھی۔ تنظیم کی جانب سے چائے ،پان وخردہ دکانداروں کو ووٹ کی طاقت سمجھاتے ہوئے زیادہ سے زیادہ ووٹ دینے کی اپیل کی گئی۔اے ڈی ایم سٹی نے بتایا کہ گزشتہ پارلیمانی انتخاب میں صرف ۳۵فیصد ووٹنگ ہوئی تھی اس مرتبہ ووٹنگ فیصد میں اضافہ کرکے اسے ۸۵فیصد تک کرنا ہوگا تاکہ ہم ایک بہتر حکومت اور بہتر عوامی نمائندہ منتخب کرسکیں۔ریلی میں شیوراج سنگھ،ٹی این مشرا،منیش گپتا،چیف وارڈن آرکے سفڑ،وارڈن راجیوسنگھ، ابھے مشرا، پرکاش ویر آریہ ،مہندر کور اور مہندر چودھری وغیرہ شامل ہیں۔