ممبئی:بالی ووڈ کی مشہور اداکارہ سونالی بیندرے پھرسے ٹی وی میں کام کرتی نظر آرہی ہیں۔بالی ووڈ اداکار ان دنوں ٹی وی پر کام کرنا اپنی شان سمجھتے ہیں۔سونالی بیندرے نے ٹی وی شو میں جج کا کردار اداکیا ہے ۔
اس کے علاوہ سونالی ٹی وی سیرئیل عجیب داستاں ہے یہ میں کام کرچکی ہیں۔
سونالی اب پھر سے ٹی وی پر کام کرنے والی ہیں۔سونالی اسٹار پلس کے شو ”جانا نہ دل سے دور”میں نظرآئیں گی۔بتایا جاتا ہے کہ اس شو میں سونالی ششناک ویاس کی ماں کے کردار میں نظر آئیں گی۔
ششانک کی اینٹری شو میں جلد ہی ہونے والی ہے اور ان کی ماں کے رول کے لئے پروڈیوسرس کو کسی کی تلاش ہے ۔فی الحال سونالی کو اس رول کے لئے اپروچ کیا گیا ہے ،ابھی ان کے جواب کاانتظار ہے ۔
