سوناکشی کو د ینا ہوگا سخت امتحان

بالی ووڈ کی حسین اداکارہ سوناکشی سنہا کے لئے آنے والے کچھ دن سخت امتحان سے کم نہیں ثابت ہونے والے۔ دراصل آنے والے کچھ دنوں میں ان کی تین فلمیں ایک کے بعد ایک ریلیز ہونے والی ہیں۔ ایسے میں وہ ان کے لئے کس طرح وقت نکال پاتی ہیں اور ان کے پروموشن کو کس طرح تال میل بٹھا پاتی ہیں یہ کوئی آسان کام نہیں۔ اجے دیوگن کے ساتھ ایکشن جیکسن اور رجنی کانت کے ساتھ لنگا اور ارجن کپور کے ساتھ تیور، یہ تین ایسی فلمیں ہیں جو ایک کے بعد ایک منظرعام پر آنے والی ہیں۔ ان فلموں کے لئے وقت نکال پانا سوناکشی کے لئے امتحان ثابت ہو رہا ہے۔ ایک طرف پرموشن کے لئے وقت نکالنے کی فکر ستا رہی ہے تو دوسری طرف ایکشن جیکسن اور لنگا میں انہیں ساتھی ہیروئنوں سے ٹکر بھی مل رہی ہے۔ واضح رہے کہ فلم ایکشن جیکسن میں اجے دیوگن کے ساتھ یامی گوتم بھی نظر آئیں گی جبکہ لنگا میں ساؤتھ کی ہٹ ہیروئن انوشکا شیٹی بھی رہیں گی۔ ایسے میں اگر سوناکشی اپنی فلموں کے پرموشن کے لئے ڈائریکٹر پروڈیوسر کو زیادہ وقت نہیں دے پائیں گی تو ان کی ساتھی ہیروئنیں فلم کے پروموشن میں زیادہ کریڈٹ لے جا سکتی ہیں۔ یامی گوتم کو ناظرین وکی ڈونر میں کافی پسند کر چکے ہیں اور ٹوٹل سیاپا کی ناکامی سے باہر نکلنے کے لئے یامی گوتم کو اس پروموشن کے طور پر ایک اچھا پلیٹ فارم مل سکتا ہے۔ ایکشن جیکسن میں وہ خود کو بہترین ثابت کر سکتی ہیں۔ دوسری طرف انوشکا شیٹی کو بھلے ہی ہندی فلموں کے ناظرین نہ پہچانتے ہوں لیکن ساؤتھ کی فلموں میں وہ اچھا نام اور مقام رکھتی ہیں۔ وہ تامل اور تیلگو میں بنی سنگھم -۱ اور ۲ میں ہیروئین تھی۔ جبکہ سوناکشی سنہا نے جس رائوڈی راٹھور میں کام کیا تھا وہ انوشکا شیٹی کی وکرمر کدو کا ریمیک تھی۔ بالی ووڈ کی سنگھم میں ڈائریکٹر روہت شیٹی نے سب سے پہلے انوشکا شیٹی کو ہی کاسٹ کیا تھا لیکن ہندی بولنے میں وہ کافی پیچھے ہیں اس لئے ان کی جگہ کاجل اگروال کو لے لیا گیا۔ اس طرح سوناکشی سنہا کو اپنی فلموں کے پرموشن اور ساتھی ہیروئنوں سے زوردار ٹکر کے طور پر سخت امتحان سے گزرنا ہوگا۔سوناکشی سنہا اپنے زمانے کے اداکار اور بی جے پی کے رہنما شتروگھن سنہا کی بیٹی ہیںسلمان خان، اجے دیوگن اور اکشے کمار جیسے بڑے سٹار کے ساتھ کام کرکے کامیابی کی بلندی پر پہنچنے والی اداکارہ سوناکشی سنہا کی آرزو ہے کہ وہ رتیک روشن کے ساتھ کام کریں۔بی بی سی سے بات چیت کے دوران انھوں نے کہا: ’میں سینیئر فنکاروں کے علاوہ نواجوان اداکاروں کے ساتھ ساتھ بھی کام کر چکی ہوں لیکن میرا خواب ہے رتیک روشن کے ساتھ کام کرنے کا۔ ان کے ساتھ سکرین پر ایک فریم میں ڈانس کرنا انوکھا تجربہ ہو گا۔‘