سونیا راہل کو نیشنل ہیرالڈ کیس میں دھچکا، محکمہ انکم ٹیکس کو جانچ کی منظوری

نئی دہلی: نیشنل ہیرالڈ کیس میں کانگریس صدر سونیا گاندھی اور نائب صدر راہل گاندھی کو دہلی ہائی کورٹ نے زبردست جھٹکا دیا ہے. اب اس معاملے میں محکمہ انکم ٹیکس کو جانچ پڑتال کرنے کی منظوری دے دی ہے. نیشنل ہیرالڈ میں راہل گاندھی، سونیا گاندھی اور ینگ انڈیا کا حصہ ہے.

نیشنل ہیرالڈ کیس میں دسمبر 2015 میں سونیا اور راہل گاندھی پٹیالہ ہاؤس کورٹ میں پیش ہوئے تھے. کورٹ سے انہیں ضمانت مل گئی تھی. تب بی جے پی لیڈر سبرامنیم سوامی نے اس کی مخالفت کی تھی. انہوں نے یہاں تک کہا تھا کہ دونوں کو ضمانت ملی تو وہ ملک چھوڑ کر بھاگ سکتے ہیں.

اس کے بعد جون 2016 میں نیشنل ہیرالڈ کیس میں کانگریس صدر سونیا گاندھی اور نائب صدر راہل گاندھی کو بڑی راحت ملی. دہلی ہائی کورٹ نے اس کیس میں پٹیالہ ہاؤس کورٹ کے فیصلے کو منسوخ کر دیا تھا.