سونے اور چاندی کی قیمتوں میں گراوٹ جاری

نئی دہلی :سونے اور چاندی کی قیمتوں میں مسلسل دوسرے دن بھی گراوٹ آئی۔ دہلی صرافہ بازار میں آج سونے کی قیمت ۲۱۰روپئے کی گراوٹ کے ساتھ ۳۱۲۱۵روپئے فی دس گرام رہ گئی۔ چاندی کی قیمت بھی ۴۸۰ روپئے کی گراوٹ کے ساتھ ۴۴۸۰۰روپئے فی کلوگرام رہ گئی۔ بازار ذرائع کے مطابق گھریلو قیمتوں پر اثر ڈالنے والے نیویارک میں سونے کی قیمت کل رات ۳ء۰فیصد کی گراوٹ کے ساتھ ۹۰ء۱۲۳۷ڈالر فی اونس اور چاندی ۱ء۱ فیصد کی گراوٹ کے ساتھ ۶۸ء۱۹ ڈالر فی اونس رہ گئی۔ گھریلو محاذ پرسونا ۹ء۹۹فیصد خالص اور ۵ء۹۹ فیصد خالص کی قیمت ۲۱۰ روپئے کی گراوٹ کے ساتھ بالترتیب ۳۱۲۱۵روپئے اور ۳۱۰۱۵روپئے فی دس گرام رہ گئی ۔ کل اس میں ۲۰۰ روپئے کی گراوٹ آئی تھی۔ گنی کی قیمت بھی سو روپئے کی گراوٹ کے ساتھ ۲۵۲۰۰ روپئے فی آٹھ گرام رہ گئی۔ چاندی سکہ کی قیمت خرید ۸۴ ہزار روپئے اور فروخت ۸۵ہزار روپئے فی سیکڑا رہی۔