سونے کی قیمتوں میں تیزی جاری ، چاندی میں گراوٹ

 دہلی:مضبوط بین الاقوامی رخ کے درمیان قومی دارالحکومت کے صرافہ بازار میں آج سونے کی قیمت میں مسلسل تیسرے دن بھی تیزی آئی اور اس کی قیمت ۵۰ روپئے بڑھ کر ۳۱۴۰۰روپئے فی ۱۰؍ گرام ہو گئی ۔وہیں چاندی کی قیمت ۲۱۵ روپئے کی گراوٹ کے ساتھ ۴۹۱۰۰ روپئے فی کلو گرام رہی ۔گھریلو محاذ پر قیمتوں کارخ طے کرنے والے بازار سنگا پور میں سونا ۳ء ۰فیصد کی تیزی کے ساتھ ۱۳ء ۱۳۱۱ ڈالر فی اونس تک پہنچ گیا ۔
وہیں چاندی کی قیمت ۴ء ۰ فیصد کی تیزی کے ساتھ ۷۴ ء ۲۱ڈالر فی اونس ہو گئی۔گھریلو محاذ پر سونا ۹ء۹۹ فیصد خالص اور ۵ء ۹۹فیصد خالص کی قیمت ۵۰۔۵۰ روپئے کی تیزی کے ساتھ بالترتیب ۳۱۴۰۰ روپئے اور ۳۱۲۰۰روپئے فی ۱۰ گرام ہو گئی۔حالانکہ گنی کی قیمت ۲۵۲۰۰ روپئے فی ۸ گرام رہی ۔ چاندی ہفتہ وار ڈلیوری کی قیمت ۲۰۵ روپئے کی گراوٹ کے ساتھ ۴۸۵۵۰ روپئے فی کلو گرام رہ گئی۔