سونے کی قیمت میں تیزی ،چاندی مستحکم

نئی دہلی(بھاشا)بیرون ملک تیزی کے درمیان اورشادی وغیرہ کی خریداری کے سبب دہلی صرافہ بازار میں آج سونے کی قیمت ۲۰؍روپئے کی تیزی کے ساتھ ۳۰۷۰۰روپئے فی دس گرام بولی گئی ۔ وہیں چاندی کی قیمت میں استحکام رہا اور۴۲۷۰۰روپئے کلو پر برقرار رہی ۔ بازار ذرائع کے مطابق سنگاپور میں سونے کی قیمت ۲ء۰؍فیصد کی تیزی کے ساتھ ۳۷ء۱۳۱۲ ڈالرفی اونس ہوگئی۔ گھریلوبازار میں سونا۹ء۹۹ فیصد خالص اور۵ء۹۹فیصد خالص کی قیمت ۲۰؍ روپئے کی تیزی کے ساتھ بالترتیب ۳۰۷۰۰ روپئے اور۳۰۵۰۰؍روپئے فی دس گرام بند ہوئی ۔ گننی کی قیمت ۲۵۱۵۰ روپئے فی آٹھ گرام بند ہوئی۔