سونے کی قیمت میں گراوٹ ، چاندی میں تیزی

نئی دہلی(بھاشا) سست مانگ کے درمیان اسٹا کسٹ فروخت سے قومی دارالحکومت میں آج سونا ۲۰۰ روپئے گر کر ۳۰۱۶۰ روپئے فی ۱۰ گرا م رہ گیا ۔ حالانکہ چاندی کی قیمت ۱۲۰ روپئے کی تیزی کے ساتھ ۴۵۳۵۰ روپئے کلو ہو گئی۔ بازار ذرائع کے مطابق گھریلو بازار میں سونا ۹ء ۹۹ فیصد خالص اور ۵ء۹۹ فیصد خالص کی قیمت ۲۰۰۔ ۲۰۰روپئے گر کر بالترتیب ۳۰۱۶۰ روپئے اور ۲۹۹۶۰ روپئے فی ۱۰ گرا م رہ گئی ۔ گنی کی قیمت ۲۵۱۰۰ روپئے فی ۸ گرام پر رہی۔ چاندی سکہ کی قیمت خرید ۸۵ ہزار روپئے اور فروخت ۸۶ ہزار روپئے فی سیکڑا بولی گئی ۔