سپر اسٹار کا ٹیگ بالکل پسند نہیں: اکشے کمار

ممبئی: اداکار اکشے کمار نے کہا ہے کہ سپرا سٹار کا ٹیگ لگانا مجھے بالکل پسند نہیں ہے اپنے ایک انٹرویو میں انہوں نے کہا کہ میں کسی مخصوص طرح کی فلمیں نہیں کرنا چاہتا اور ابھی تک میں نے ایسا کیا بھی نہیں۔ انہون نے کہا کہ یہی وجہ ہے کہ آج تک کسی نے مجھ سے یہ نہیں پوچھا کہ میں صرف فلموں میں ایک ہی طرح کا کردار کیوں کر رہا ہوں۔ انہوں نے کہا کہ میں ایک سپر سٹار کے بجائے صرف ایک اداکار کے طور پر اپنی پہچان بنانا چاہتا ہوں۔ انہوں نے کہا کہ ان دنوں دہشتگردی ایک بڑا ایشو ہے۔ اور ہر ملک کو اس کا سامنا ہے۔ انہوں نے کہا کہ ہم سب کو اس مسئلے سے سنجیدگی سے نمٹنے کی ضرورت ہے اور میری آنیوالی فلم بے بی بھی اسی موضوع پر ہے۔ انہوں نے کہا کہ اس فلم میں ہمارا 28 افراد پر مشتمل ایک گروپ ہوتا ہے جس کا واحد مشن دہشتگردی کو ختم کرنا ہوتا ہے۔