حیدرآباد:ہندوستانی کرکٹ ٹیم کے سابق کپتان سچن تنڈولکر 16نومبر کو آندھراپردیش کے ضلع نیلور کا دورہ کریں گے جہاں وہ گڈور منڈل کے پٹما راجوواری کندریگا گاوں میں دیہاتیوں سے تبادلہ خیال کریں گے تاکہ گاوں کو ترقی دی جاسکے اور یہاں پر بنیادی سہولتوں میں بہتری پیدا کی جاسکے ۔
سچن نے اس گاوں کی ذمہ داری قبول کی ہے ۔ ضلع انتظامیہ ان کے دورہ کے انتظامات میں مصروف ہے ۔ سچن تنڈولکر اس گاوں میں عصری کمیونٹی ہال کا افتتاح کریں گے اور بچوں میں اسپورٹس کڈس کی تقسیم کی تقریب میں شرکت کریں گے ۔ وہ تقریباً دیڑھ گھنٹہ اس گاؤں میں گزاریں گے ۔ سچن نے سنسد آدرش گرام یوجنا کے تحت دو ہزار چودہ میں اس گاوں کی ذمہ داری قبول کی تھی ۔
