لکھنؤ(نامہ نگار)مال کے اٹاری گاؤں کے نزدیک ٹریکٹر اورموٹر سائیکل کی ٹکر میں موٹرسائیکل سوار تین افراد شدید طور سے زخمی ہو گئے۔ مقامی لوگوں نے انہیں نجی اسپتال میں داخل کرایا۔ جہاں ایک کی موت ہو گئی۔ جبکہ دو کی حالت نازک ہے۔ اس کے علاوہ آشیانہ علاقہ میں تیز رفتار ٹرک نے سائیکل سوار شخص کو ٹکر مار دی۔ جس سے وہ شدید طور سے زخمی ہو گیا۔ مال کے بھراون کا رہنے والا ۲۲سالہ سونو اپنے نانا و نانی کو لے کر موٹرسائیکل سے مڑیاؤں کی طرف جا رہا تھا کہ اٹاری گاؤں کے نزدیک ٹریکٹر نے اسے ٹکر مار دی۔ اس حادثہ میں سونو اور اس کے نانا و نانی شدید طور سے زخمی ہو گئے۔ گاؤں والوں نے تینوں کو نجی اسپتال میں داخل کرایا جہاں دوران علاج کچھ ہی دیر میں سونو کی موت ہو گئی۔ جبکہ اس کے نانا و نانی کی حالت نازک ہے۔وہیں عالم باغ کے بہادر کھیڑا کے ببلو کو ایلڈیکو پل پر ٹرک نے ٹکر ماردی۔ زخمی ببلو کو مقامی لوگوں نے اسپتال میں داخل کرایا۔
