لکھنؤ(نامہ نگار)راجدھانی میں ہوئے سڑک حادثات میں ایک خاتون سمیت دو افراد کی موت ہو گئی۔ عالم باغ کے شرنگار نگر میں رہنے والے تاجر نند لال کرپلانی کی بیوی ۴۵سالہ شاردا کرپلانی اتوار کی صبح پیدل جا رہی تھی کہ مانک نگر میں تیز رفتار گاڑی نے انہیں ٹکر مار دی۔ زخمی شاردا کو اسپتال میں داخل کرایا گیا جہاں اس کی موت ہو گئی۔ اس کے علاوہ چنہٹ واقع گوئل اپارٹمنٹ کے نزدیک کل رات تیز رفتار ٹرک نے سائیکل سوار بارہ بنکی کے برولی کے ۴۰سالہ ملہے کو کچل دیا۔ اطلاع ملنے پر پہنچی پولیس نے اسے رام منوہر لوہیا اسپتال میں داخل کرایا جہاں اس کی موت ہو گئی۔ اس کے پاس سے ملی ایک پرچی کی مدد سے پولیس نے اس کی شناخت کی اور اس کے گھر والوںکو اطلاع دی۔
