سڑک حادثوں میں لڑکی سمیت دو کی موت

مہوبہ:اتر پردیش کے ضلع مہوبہ میں گھنے کہرے کی وجہ سے آج ہوئے ایک سڑک حادثے میں ایک خاتون سمیت دو لوگ ہلاک ہوگئے ۔پولیس کے ذرائع نے بتایا کہ برسھا گاؤں کا باشندہ چھنا وشوکرما سائیکل پر سوار ہوکر اپنی دوکان جارہا تھا اسی دوران قومی شاہراہ نمبر 86 پر گھنے کہرے کی وجہ سے سامنے سے آرہی ایک تیز رفتار کار اس کی سائیکل سے جا ٹکرائی۔ اس حادثے میں چھنا کی موت ہوگئی۔ایک دیگر حادثے میں چرکھاری کوتوالی کے سوپا گاؤں کے رام کرپال کی بیٹی ارچنا اپنے بھائی کے ساتھ موٹر سائیکل پر سوار مہوبا جارہی تھی کہ اچانک اس کا ڈوپٹہ پہیے میں لپٹ گیا جس سے وہ نیچے گر گئی اور زخمی ہوگئی۔ سنگین زخمی حالت میں اسے ضلع ہسپتال لے جایا گیا جہاں ڈاکٹروں نے اسے مردہ قرار دے دیا۔