بجنور۔ (بھاشا)۔چاند پور-بجنور شاہراہ پر واقع روڈویز ورکشاپ کے پاس سے آج ایک گاڑی اور ٹرک کی ٹکر میں دو لڑکیوں سمیت ایک ہی کنبہ کے تین افراد کی موت ہو گئی
اور ایک درجن لوگ زخمی ہوگئے۔ پولیس ذرائع کے مطابق صبح تقریباً چھ بجے روڈویز ورکشاپ کے پاس ایک بگی کو بچانے کی کوشش میں بولیرو کار سامنے آرہی ٹرک سے ٹکرا گئی جس کے سبب کار میں سوار خوشی (۱۰)، شیوانی (۱۳) اور انل (۴۰)کی موت ہو گئی جبکہ ۱۲؍افراد زخمی ہو گئے۔ شدید طور پر زخمی تین لوگوں کو علاج کیلئے میرٹھ بھیجا گیا ہے۔
متاثرہ کنبہ کی خواتین کی سونے کی چین اور چالیس ہزار روپئے بھی چوری ہو گئے ہیں۔ کنبہ کے لوگ فوجی روپیندر کے لڑکے کے ’مونڈن‘ کیلئے امروہہ کے سندر چوک پوا گاؤں سے دہرا دون جا رہے تھے۔
