سڑک حادثہ میں تین نوجوان ہلاک

آگرہ، 23 جنوری (یو این آئی) اترپردیش میں آگرہ کے اعتمادپور علاقہ میں کل رات ہوئے سڑک حادثہ میں تین نوجوانوں کی موت ہوگئی۔پولیس ذرائع نے آج یہاں بتایا ہے کہ دہلی۔ کانپور قومی شاہراہ پر جھرنا نالے پر کل رات ایک تیز رفتار کار بے قابو ہوکر ڈیوائیڈر سے ٹکرانے کے بعد گڑھے میں گرگئی۔ اس حادثہ میں نول پور میں واقع ہومیو پیتھی میڈیکل کالج کے طالب علم پرتیوش پانڈے (23) پروین تیواری (22) اور پرت
یک گوئل (22) کی موت ہوگئی جبکہ اس کے ساتھی سمیت راج، عامر حمزہ اور اومکار چوہان (22) زخمی ہوگئے ۔ زخمیوں کو ہسپتال میں داخل کرایا گیا ہے ۔