امرتسر:پنجاب میں ترن تارن ضلع کے دوبلی گاں میں ایک سڑک حادثہ میں پانچ افراد کی موت ہوگئی جبکہ 9 زخمی ہوگئے ۔ مرنے والوں میں چار خواتین بھی شامل ہیں۔یہاں موصول اطلاع کے مطابق گاں بنگلہ رائے کے کچھ لوگ ایک ٹریکٹر ٹرالی میں سوارہوکر بابا بوڑا میلہ دیکھ کر واپس گھر جارہے تھے کہ دوبلی کے نزدیک ایک موڑ پر سامنے سے آرہے ایک ٹرک کے ٹریکٹر ٹرالی کے اوپر پلٹ جانے سے پانچ افراد ہلاک اور 9 زخمی ہوگئے ۔
مرنے والوں کی شناخت سکھمندر کور ، ہربھجن سنگھ ، رمن دیپ کور، سکھوندر کوراور پربھ جوت کور کے طور پر ہوئی ہے ۔ زخمیوں کو پٹی کے سرکاری اسپتال میں داخل کرایا گیا ہے ۔پنجاب کے غذا اور رسدات کے وزیر آدیش پرتاپ سنگھ کیروں تمام زخمیوں کو مفت علاج کے حکم دیئے ہیں ۔ انہوں نے کہا کہ مرنے والوں کے کنبوں کو مناسب معاشی مدد دی جائے ۔
