سڑک حادثے میں دو ہلاک ،پانچ افراد زخمی

بھدوہی:اتر پردیش میں ایک سڑک حادثے میں دو افراد ہلا ک اور پانچ دیگر زخمی ہوگئے ۔یہ حادثہ آج اتر پردیش کے بھدوہی میں گوپا لگنج علاقے میں پیش آیا۔
پولس کے مطابق لالانگر ٹول پلازا کے نزدیک صبح قومی شاہراہ پر آنے والا ایک ٹرک شدید کہرے کی وجہ سے سڑک کے کنارے کھڑے ایک دوسرے ٹرک سے ٹکرا گیا۔اس حادثے میں بہار کے رہنے والے ڈرائیور ویکاس کی موقع پر موت ہوگئی۔
اس کے علاوہ ٹول پلازا کے نزدیک ہی تیز رفتار سے آرہی ایک کار سڑک کے کنارے ایک ٹرک سے جاٹکرائی ۔اس حادثے میں کار کے ڈرائیور کی موقع پر ہی موت ہوگئی اور کار میں سوار دو خواتین سمیت پانچ افراد زخمی ہوگئے ۔
زخمیوں کو مقامی اسپتال میں داخل کرایا گیا ہے جن میں دو کی حالت نازک بتائی جاتی ہے جنہیں وارانسی ریفر کیا گیا ہے ۔