سڑک حادثے میں طالب علم کی موت

لکھنؤ۔(نامہ نگار)گوسائیں گنج علاقے میں اسکوٹی پر سوار ایک طالب علم کو تیز رفتار نامعلوم گاڑی نے ٹکر ماردی ۔ اس حادثے میں طالب علم کی موقع پر ہی موت ہوگئی۔ جبکہ اس کا دوست پرمود شدید طور سے زخمی ہوگیا۔ موصولہ خبر کے مطابق پی جی آئی کے تیلی باغ کا باشندہ دیپک (۱۸)آج صبح گوسائیں گنج کے کھریکا رام ٹولہ اپنے نانہال گیا ہوا تھا۔ آج دوپہر وہ اپنی اسکوٹی سے پرمود کے ساتھ گھر واپس آرہا تھا۔ راستے میں سلطان پور شاہراہ پر تیز رفتار نامعلوم گاڑی نے دیپک کے اسکوٹی میں ٹکر ماردی۔ اس حادثے میں دیپک کی موقع پر ہی موت ہوگئی ۔ جبکہ اس کا دوست پرمود شدید طور سے زخمی ہوگیا۔ جائے موقع پر پہنچ کر پولیس نے پرمود کو اسپتال میں داخل کرایا اور ابتدائی تفتیش کے بعد دیپک کی لاش کو پوسٹ مارٹم کیلئے بھیج دیا۔