سڑک حاد ثے میں ایک ہی خاندان کے د و خواتین ہلا ک اور 12 زخمی

کٹیہار، 3 جنوری (یو این آئی) بہار میں ضلع کٹیہار کے پوٹھیا تھانہ کے پوٹھیا چوک کے نزدیک کل دیر رات ایک سڑک حادثے میں دو خاتون ہلاک ہوگئیں جب کہ 12 سے زائد افراد زخمی ہوگئے۔سب ڈویژنل پولیس افسر راکیش کمار نے آج یہاں بتایا کہ پڑوسی ریاست جھارکھنڈ کے دیوگھر میں بابا بیدھ ناتھ کی پوجا کرنے کے بعد ایک خاندان اپنی گاڑی سے واپس لوٹ رہے تھے اسی وقت پوٹھیا چوک کے نزدیک مخالف سمت سے آنے والے ایک ٹرک نے سیدھی ٹکر مار دی۔ اس حادثہ میں میتو دیوی (30) اور ریتو دیوی (35) کی موقع پر ہی موت ہوگئی جب کہ 12 سے زائد افراد زخمی ہوگئے۔مسٹر کمار نے بتایا کہ زخمیوں کو مقامی اسپتال میں داخل کرایا گیا ہے جہاں کچھ کی حالت سنگین بتائی جارہی ہے۔ حادثہ کے بعد ڈرائیور گاڑی چھوڑ کر فرار ہوگیا۔ مرنے والے ضلع سہرسہ کے کوسی چوک کے باشندے بتائے جاتے ہیں۔