لاکھوں کے زیورات، غیر ملکی کرنسی و دو طمنچے برآمد
لکھنؤ(نامہ نگار)مہا نگر پولیس نے آج ۵فروری کو گرفت میں آئے چور کے دو ساتھیوں کو گرفتار کیا ہے۔ پولیس نے ان کے قبضے سے چوری کے زیورات، غیر ملکی کرنسی، نقد رقم اور دو طمنچے برآمد کئے ہیں۔مہا نگر پولیس نے بدھ کو سعادت گنج پولیس کی مدد سے ایک شاطر چور ببلو چندریش کو پکڑا تھااس نے کئی گھروں میں چوری کی واردات انجام دینے کا اعتراف کیا تھا۔ پولیس نے ببلو سے پوچھ گچھ کے بعد اس کے دو ساتھیوں علی گنج کے رنجیت اور سندیپ گوتم کو گرفتار کر لیا۔ پولیس نے ان کے قبضے سے چوری کے زیورات، ۳۰۰ ؍امریکی ڈالر، ۱۵۰سنگاپوری ڈالر، کیمرہ، گھڑی، دو طمنچے اور ۲۵۱۰۰روپئے برآمد کئے ہیں۔ پوچھ گچھ میں پکڑے گئے چوروں نے مہا نگر علاقے میں چھ، گومتی نگر، تالکٹورہ، گڑمبا اور مڑیاؤں علاقہ میں چوری کی دس واردات انجام دینے کی بات قبول کی ہے۔
