شاہ رخ اور عامر کے ساتھ فلم کر نا چاہتی ہیں شردھا کپور

ممبئی (وارتا)بالی ووڈ کی نئی اداکارہ اور شکتی کپور کی بیٹی شردھا کپور کا کہنا ہے کہ وہ شاہ رخ خان اور عامر خان کے ساتھ کام کر نا چاہتی ہیں ۔ ۲۰۱۰ میں آئی فلم سے اپنے کیرئیر کی شروعات کر نے والی شردھا کپور نے اب تک نئے اداکاروں کے ساتھ کام کیا ہے ۔ اس نے ابھی حال ہی میں اکشے کمار کے ساتھ گبر میں کام کر نے سے انکار کر دیا تھا ۔ اس کے بعد سے ایسی افواہیں تھیں کہ وہ بڑی عمر کے اداکاروں کے ساتھ کام نہیں کر نا چاہتی ہیں ۔ شردھا نے ان افواہوں کی تردیدی کر تے ہوئے کہا کہ گبر میں کام نہ کر نے کا سبب تاریخو ں کا مسئلہ تھا ۔ اور اس وقت وہ دیگر پروجکٹس میں مصرور تھیں ۔ شردھا نے کہا کہ مستقبل میں مجھے اگر شاہ رخ خان اور عامر خان کے ساتھ فلم میں کام کر نے کی پیشکش ہوتی ہے تو ضرور کروںگی۔ شردھا کی ایک ویلن آج ریلیز ہونے جا رہی ہے جس میں انہوں نے سدھارتھ ملہوترا کے اپوزٹ کام کیا ہے ۔ دوسری طرف شردھا کپور فلم ’’ABCD 2‘‘ میں کردار نبھانے کے لیے ان دنوں سخت ڈائٹ کے ساتھ اپنا وزن کم کرنے میں لگی ہوئی ہیں۔ شردھا کہتی ہیں کہ ’’میرے ڈائریکٹر ریمو ڈی سوزا چاہتے ہیں کہ میں ایک ڈانسر والا جسم بنا لوں‘‘ جس پر انھوں نے مجھے اپنا وزن مزید کم کرنے کا کہا ہے‘ بس میں ان دنوں انتہائی کم خوراک استعمال کر رہی ہوں۔ اس فلم کے پروڈیوسر سدھارتھ رائے کپور ہیں جب کہ دیگر اداکاروں میں ورون دھون‘ پربھو دیو شامل ہیں‘ فلم کے گیت میور پوری نے لکھے ہیں۔ فلم کا اصل نام ’’Any Body Can Dance 2 ‘‘ ہے۔فلم عاشقی میں سدھارتھ ملہوترا کے ستاھ ہٹ جوڑی بننے کے بعد اب شردھا کپور ایک اور اسٹوڈینٹ ورون دھون کے ساتھ جلوہ گر ہو رہی ہیں‘ اس ڈانس ڈرامہ فلم میں نئی جوڑی اپنے جوہر دکھائے گی جب کہ اس فلم میں ڈانس کی دنیا میں جانا پہچانا نام پربھو دیو کا بھی ہے جو مرکزی کردار ادا کر رہے ہیں۔ یہ فلم در اصل 2012ء کی فلم اینی باڈی کین ڈانس(اے بی سی ڈی) کا سیکوئل ہے۔