شاہ رخ بالی ووڈ کے ’کنگ‘ اور پرینکا ’کوئن‘ قرار

نئی دہلی۔بالی ووڈ کے کنگ شاہ رخ خان اور سابق ملکہ حسن اداکارہ پر ینکاچوپڑا نے سوشل میڈیا فلم ایوارڈ۲۰۱۵ کے ’’کنگ‘‘ اور ’’کوئن‘‘ کے ایوارڈ اپنے نام کرلیے۔بالی ووڈ لائف کی جانب سے سوشل میڈیافلم ایوارڈ ۲۰۱۵کی تقریب نئی دہلی میں ہوئی جس میں بالی ووڈ کی معروف شخصیات نے شرکت کی۔ سوشل میڈیافلم ایوارڈ ۲۰۱۵ کے لیے ۱۶کیٹیگریز میں پول کرایاگیا جس میں دنیا بھر سے ۱۳لاکھ افراد نے شرکت کی۔ تقریب میں شاہ رخ خان اور اداکارہ پر یانکاچوپڑا نے سوشل میڈیا فلم ایوارڈ۲۰۱۵کے کنگ اور کوئن کا ایوارڈ اپنے نام کیا جب کہ اداکارہ سوناکشی سنہا کو ’’سیلفی کوئن‘‘ اور اداکارورن دھون کو’’سیلفی کنگ ‘‘ایوارڈ دیا گیا اس کے علاوہ اداکارٹائ
یگرشروف اوراداکارہ جیکولین فرنینڈس نے ’’فٹنس آئیکون‘‘ ایوارڈ اپنے نام کیا۔بالی ووڈ کنگ شاہ رخ خان نے اپنا ایوارڈ مداحوں کے نام کرتے ہوئے کہا کہ سوشل میڈیا نے زندگی کو سہل کردیا ہے جس کی وجہ سے وہ مداحوں کے اور بھی قریب ہوگئے ہیں جب کہ ادکارہ پریانکا چوپڑاکا کہناتھا کہ وہ ہمیشہ سے ملکہ بننا چاہتی تھیں اور ایوارڈ جیت کرخود کو ملکہ ہی محسوس کررہی ہوں۔
دل دھڑکنے دوکے نئے گانے’’ پھر بھی یہ زندگی ‘‘ کی ویڈیو جا ری
ممبئی۔ پریانکا چوپڑا،انیل کپور،رنویر سنگھ،فرحان اختر اور انوشکا شرما کی نئی بالی ووڈ کامیڈی فلم ’’دل دھڑکنے دو‘‘کے نئے گانے” پھر بھی یہ زندگی ” کی ویڈیو ریلیز کر دی گئی۔بالی ووڈ کی سپر ہٹ فلم” زندگی نہ ملے گی دوبارہ کی ہدایت کارہ زویا اختر کی نئی کامیڈی فلم” دل دھڑکنے دو “کے نئے گانے” پھر بھی یہ زندگی “کی ویڈیو ریلیز کر دی گئی ہے ۔ میگا کا سٹ پر مشتمل اس فلم کی کہانی ایک انڈین پنجابی فیملی کے گرد گھوم رہی ہے جو کروز شپ میں سوار ہوکر ایک سمندری سفر پر روانہ ہیں ۔فلم میں مر کزی کر دار اداکار انیل کپور،رنویر سنگھ،فرحان اختر،پریانکا چوپڑا،انوشکا شرمااور شیفالی شاہ ادا کر رہے ہیں جسے اس سال۵جون کو دنیابھر میں ریلیز کیلئے پیش کر دیا جائے گا۔