کوئی بھی تہوار ہو بولی وڈ کنگ شاہ رخ خان ہمیشہ سے ہی سوشل میڈیا پر سب سے پہلے اپنے مداحوں کو مبارکباد دیتے نظر آتے ہیں۔
شاہ رخ خان نے عید کے موقع پر بھی اپنے مداحوں کو سماجی رابطے کی ویب سائٹ ٹوئٹر پر عید الاضحی کی مبارکباد دی۔
ان کا اپنے پیغام میں کہنا تھا کہ “سب کو عید الاضحی کی بہت مبارکباد، اللہ سب کو صحت اور خوشیاں نصیب کرے”۔
شاہ رخ خان نے اس پیغام کے ساتھ اپنی فلم کبھی خوشی کبھی غم کی ایک تصویر بھی شئیر کی جس پر عید مبارک تحریر تھا۔
شاہ رخ اس وقت بولی وڈ کی تین فلموں میں اداکاری کر رہے ہیں جس میں ایک پاکستانی اداکارہ ماہرہ خان کے ہمراہ ‘رئیس’، کاجول کے ہمراہ ‘دل والے’ اور ‘فین’ شامل ہیں۔
