شاہ رخ نے کرن جوہر سے معذ رت کرلی

ممبئی: بالی وڈ اداکار شاہ رخ خان نے کہا ہے کہ انھوں نے فلمساز کرن جوہر کی فلم کی پیشکش وقت نہ ہونے کی وجہ سے ٹھکرائی ہے۔اداکار شاہ رخ خان نے اپنے حالیہ انٹرویو میں کہا کہ انھیں فلمساز کرن جوہر نے اپنی نئی فلم میں کام کی پیشکش کی تھی مگر معذرت کی ہے کیونکہ اس لیے ان کی فلمی مصروفیت زیادہ ہیں‘ ان کی فلم ’’ہیپی نیو ایئر‘‘ جلد ہی ریلیز ہوجائے گی۔ شاہ رخ نے مزید بتایا کہ اب وہ روہت شیٹی کی نئی فلم ’’’ فین‘‘ اور ’’رئیس‘‘ کی جلد ہی عکسبندی شروع کروائیں گے‘ ان کے پاس بالکل وقت نہیں‘ کرن جوہر انھیں بے حد عزیز ہیں جن کا وہ بے حد احترام کرتے ہیں‘ کرن بھی اس بات کو سمجھتے ہیں ان کے اس وجہ سے تعلقات کبھی نہیں کشیدہ ہوئے۔اداکار نے کہا کہ اپنی اداکاری سے مداحوں کو محظوظ کرتے رہیں گے اور محنت کرتے رہیں گے۔بالی ووڈ کنگ شاہ رخ خان نے کہا ہے کہ باپ اور بیٹے کے تعلقات دوستوں کی طرح ہونے چاہئیں۔صحافیوں سے گفتگو کرتے ہوئے انھوں نے کہا کہ میں اپنے تینوں بچوں کی بھر پور صحت کا خواہاں ہوں، بچے مجھے بہت عزیز ہیں، میں جب بھی شام کو کام سے تھک ہار گھر جاتا ہوں ان کی موجودگی کا نرم گرم سا احساس میری ساری تھکاوت دور کردیتا ہے۔ فلم انڈسٹری میں رہ کر میں نے یہ سیکھا ہے کہ بچوں خصوصاً بیٹوں کے ساتھ باب کا تعلق بالکل دوستانہ ہونا چاہیے۔بالی ووڈ کنگ اداکار شاہ رخ خان کی نئی فلم ’’ہیپی نیو ایئر‘‘ کا پوسٹر جاری کردیا گیا۔فلم ’’ہیپی نیو ایئر‘‘ کے پوسٹر میں فلم کی کاسٹ دو مختلف لباس زیب تن کیے ہوئے دکھائی دے رہی ہے۔ یہ پوسٹر مداحوں کی توجہ کا مرکز بنا ہوا ہے۔ مداح فلم کے ٹریلر کا بے صبری سے انتظار کررہے ہیں جو جلد ہی ریلیز کردیا جائے گا۔ یہ فرح خان کی ہدایات کردہ فلم ہے جس کی مرکزی کاسٹ میں شاہ رخ خان، بومن ایرانی، سونو سود، دپیکا پڈکون اور ابھیشک بچن شامل ہیں۔ فلم رواں
سال کے اختتام پر ریلیز ہوگی۔