لکھنؤ(نامہ نگار)۔کاکوری علاقہ میں شوہرکو شراب پینے سے منع کرناایک بیوی کومہنگاپڑگیا۔اس کے شوہرنے ڈنڈے سے پیٹ پیٹ کر اس کو موت کے گھاٹ اتاردیا۔موقع پرپہونچی کاکوری پولیس نے ملزم شوہرکو گرفتارکرتے ہوئے قتل میں استعمال ڈنڈابرآمد کرلیاہے۔ انسپکٹرکاکوری مکھ رام یادونے بتایاکہ کاکوری کے سیتھاں گاؤں م
یں کسان ببلولودھی اپنے کنبہ کے ساتھ رہتاہے ۔بتایاجاتاہے کہ اتوارکی دیرشب ببلوشراب کے نشہ میں گھرپہنچا۔اس نے بیوی منجو سے کھانالگانے کی بات کہی ۔ بیوی جب کھانا لے کر پہنچی تو دیکھا کہ ببلو شراب پی رہا تھا ۔ بیوی نے ببلو کو شراب پینے سے منع کیا۔ بس اتنی سی بات ببلو کوناگوار گذری اور اس نے بیوی کو گالی دیتے ہوئے پیٹنا شروع کردیا۔ منجو نے جب اپنے کو بچانے کی کوشش کی تو ملزم نے ڈنڈے سے اس کے سر پرکئی وار کردئے۔
چیخ پکار کی آوازسن کر آس پاس کے لوگ مدد کیلئے جمع ہوگئے۔ اطلاع پاکر موقع پرکاکوری پولیس بھی پہنچ گئی۔ پولیس نے زخمی منجو کو ٹراما سنٹر میں داخل کرایا جہاں اس کی موت ہو گئی۔ پولیس نے اس معاملے میں ملزم ببلو لودھی کو گرفتار کرتے ہوئے قتل میں استعمال ڈنڈا برآمد کرلیاہے۔
