شراب کے سلسلے میں تنازع، دو افراد کو زندہ جلا کر مارا ڈالاگیا

بالاگھاٹ: مدھیہ پردیش کے ضلع بالاگھاٹ کے لانجي تھانہ علاقے کے تحت آنے والے ٹیمني گاؤں میں تنازع کی وجہ سے کچھ لوگوں نے ایک شراب کی دکان کے دو ملازمین کو دکان میں بند کر کے آگ لگا دی جس سے دونوں جل کر ہلاک ہو گئے ۔
پولیس کے ذرائع نے بتایا کہ کل رات تقریبا دس بجے ہونے والے اس واقعہ کے سلسلے میں ایک درجن سے زائد لوگوں کو گرفتار کر لیا گیا ہے ۔ یہ تمام ایک شادی کی تقریب میں شامل ہونے آئے تھے ۔
ذرائع نے کہا کہ شادی کی تقریب میں شامل ہونے آئے لوگوں نے دکان سے شراب کا مطالبہ کیا۔ اس بات کو لے کر دکان کے ملازمین اور باراتیو میں تنازعہ ہو گیا۔ اسی دوران کچھ لوگوں نے شراب کے پیسے دینے سے بھی انکار کر دیا۔ کچھ دیر بعد باراتي دوبارہ دکان پر آئے اور دونوں ملازمین کو دکان میں ہی بند کر کے آگ لگا دی۔ اس وجہ سے رام یادو اور امریندر سنگھ کی موت ہو گئی۔ یہ دونوں شراب کی دکان کے ملازم بتائے گئے ہیں۔
اطلاع ملنے پر دیر رات پولیس گاؤں میں پہنچی۔ سینئر پولیس افسران بھی آج گاؤں میں پہنچے ۔