شہد کی مکھیوں کے حملے میں کسان کی موت

پیلی بھیت: اترپردیش میں پیلی بھیت کے مادھو ٹانڈا علاقے میں شہد کی مکھیو ں کے حملے میں ایک کسان کی موت ہوگئی۔پولیس کے ذرائع نے آج یہاں بتایا کہ بسنت پور نونیر کے باشندہ جاگیر سنگھ (65) کل شام سائیکل سے اپنے کھیت پر جانے کے لیے نکلے تھے ۔ گھر سے کچھ دور چکروڈ سے گزرتے وقت مکھیوں نے اچانک ان پر حملہ کردیا۔ذرائع نے بتایا کہ جاگیر سنگھ نے پہلے سائیکل سے بھاگنے کی کوشش کی اور پھر بچنے کے لئے ایک کھیت پر پڑی جھونپڑی میں گھس گیا لیکن مکھیوں نے ان پر اپنا حملہ جاری رکھا۔اسی دوران آس پاس کے لوگ دھواں کرتے ہوئے موقع پر پہنچے مگر تب تک جاگیر سنگھ کی موت ہوچکی تھی۔