صدر اباما کو بھی روہنگیا کے مسلمانوں پر ترس آگیا

واشنگٹن: امریکی صدر باراک اوبامانے کہا ہے کہ میا
نمار میں روہنگیا اقلیتوں کے ساتھ امتیازی سلوک بند کیا جائے، وائٹ ہائوس میں ایشیائی رہنمائوں کے ایک اجتماع سے خطاب میں صدر بارک اوباما کا کہنا تھا کہ اس بات میں کوئی شبہ نہیں کہ میانمار میں اقلیتی روہنگیا افراد کے ساتھ غیر منصفانہ اور امتیازی سلوک کیا جارہا ہے اور میانمار آمریت سے جمہوریت کی جانب بڑھ رہا ہے تو اس کے لیے ضروری ہے کہ وہ ملک میں بسنے والی تمام اقلیتوں کو تحفظ فراہم کرے۔ صدر اوباما نے کہا اس امتیازی سلوک کی وجہ سے روہنگیا اپنا ملک چھوڑنے پر مجبور ہیں۔ بہت سے روہنگیا مہاجر انسانی اسمگلروں کا شکار بنے اور بہت سے کھلے سمندر میں اپنی زندگیاں بچانے کی کوشش کر رہے ہیں۔ انہوں نے مہاجرین کی مدد کرنے پر انڈونیشیا اور ملائشیا کی تعریف کی۔