صدر جمہوریہ مغربی بنگال کے دورے پر

نئی دہلی، 20 نومبر: صدر جمہوریہ ہند پرنب مکھرجی کل سے مغربی بنگال کا دو روزہ دورہ کریں گے۔ راشٹرپتی بھون سے جاری پریس ریلیز کے مطابق صدر اپنے دو روزہ دورے میں چار پروگراموں میں شرکت کریں گے۔ وہ 21 نومبر کو کلکتہ میں انسٹی ٹیوٹ آف چارٹرڈ اکاونٹینٹس آف انڈیا (آئی سی اے آئی) کی طرف سے منعقد کی جانے والی ایک بین الاقوامی کانفرنس کا افتتاح کریں گے۔ اسی روز وہ راج بھون میں انڈین ایسوسی ایشن کے سابق صدر عزت مآب کرشن موہن بنرجی کی یاد میں ایک یادگار کتاب کا نسخہ حاصل کریں گے۔ اگلے روز 22 نومبر کو صدر درگاپور میں آئی آئی ٹی درگاپور کے 9 ویں یوم تاسیس میں شرکت کریں گے۔ اسی روز بردوان یونیورسٹی کے سالانا تاسیسی پروگرام میں شریک ہوں گے۔