نئی دہلی:تمل سوپر اسٹار رجنی کانتھ، ٹینس کی نامور ہستی ثانیہ مرزا، جنوبی ہند کی فلم صنعت کی مشہور شخصیت راموجی راؤ اور بالی ووڈ کی اداکارہ پرینکا چوپڑہ سمیت متعدد نامور ہستیوں نے آج صدر جمہوریہ پرنب مکھرجی سے پدم اعزازات حاصل کئے ۔مسٹر پرنب مکھرجی نے راشٹریہ پتی بھون میں مشہور شخصیات کی ایک باوقار تقریب میں مذکورہ نامور شخصیات کو اعزازت پیش کئے ۔
سوپر اسٹار رجنی کانتھ کو پدم وبھوشن، ٹینس اسٹار ثانیہ مرزا کو پدم وبھوشن اور اداکارہ پرینکا چوپڑہ کو پدم شری سے نوازا گیا ۔
اس باوقار تقریب میں مہمان کی حیثیت سے نائب صدر جمہوریہ حامد انصاری، وزیر اعظم نریندر مودی، لوک سبھا اسپیکر سمترا مہاجن، بی جے پی کے صدر امت شاہ ، وزیر داخلہ راجناتھ سنگھ، پارلیمانی امور کے وزیر ایم وینکیا نائیڈو، وزیر مواصلات و اطلاعات روی شنکر پرساد، وزیر مملکت برائے امور داخلہ مسٹر کیرن رجیجیو، وزیر توانائی پیوش گوئل اور کانگریس کے لیڈر راجیو شکلا نے شرکت کی۔ پدم ایوارڈ تقسیم کی تقریب میں ہلکی سبز ساڑی زیب تن کی ہوئي پرینکا چوپڑہ سب کی نظروں کا مرکز توجہ بنی ہوئي نظر آئیں۔حکومت ہند نے یوم جمہوریہ کے موقع پر 112 نامور شخصیات کے لئے پدم ایوارڈ کا اعلان کیا تھا۔
