صدر جمہوریہ نے یوم فضائیہ کے موقع پر ہندوستانی فضائیہ کے عملے اورافسران کو مبارکباددی

نئی دہلی:صدرجمہوریہ ہند پرنب مکھرجی نے ہندوستانی فضائیہ کے 83 ویں یوم تاسیس کے موقع پر فضائیہ کے عملے اور افسران کو مبارکباد دی ہے ۔ مسٹر مکھرجی نے فضائیہ کے لئے اپنی مبارکباد کے پیغام میں کہا : “ مجھے یہ جان کربڑی مسرت ہوئی کہ ہندوستانی فضائیہ(آئی اے ایف) آٹھ اکتوبر 2015کو اپنی 83 واں یوم تاسیس منارہی ہے ۔”مسٹر مکھرجی نے ہندوستانی فضائیہ کی خدمات کی ستائش کرتے ہوئے کہا :“ ہندوستانی فضائیہ ہندوستانی آسمانوں کے مضبوط محافظ کی حیثیت سے ملک وقوم کی خودمختاری کی حفاظت کرتی رہی ہے ۔گزشتہ آٹھ دہائیوں کے دوران ہندوستانی فضائیہ کی شاندار خدمات ہمیشہ لائق تحسین رہی ہیں۔پچھلے کچھ عرصے کے دوران آئی اے ایف جدید ترین مشینیں اور اسلحہ حاصل کرکے ایک ناقابل شکست طاقت کی حیثیت سے ابھرکرسامنے آئی ہے ۔آج آئی اے ایف کو دنیا بھر میں بہترین فضائیہ کی حیثیت حاصل ہے ۔”