ممبئی (ایججنسی)اسٹوڈنٹ آف دی ایئر کی معصوم اور پیاری سی عالیہ بھٹ اب کافی بڑی ہو گئی ہیں اور ان کے ساتھ ہی ان کے خواب بھی بہت اونچے ہو گئے ہیں . عالیہ بھٹ کا کہنا ہے کہ وہ سپر اسٹار بننا چاہتی ہیں . اگرچہ سائیڈ میں ہی سنگر بننے کا خواب بھی کہیں نہ کہیں ان کی آنکھوں میں ہیں . اپنی اگلی فلم ہائی وے کے پرموشنس کے دوران عالیہ بھٹ نے میڈیا سے بات کرتے ہوئے کہا کہ وہ اپنی زندگی میں ہر وہ کام کرنا چاہتی ہیں جس کی خواہش کبھی نہ کبھی انہوں نے کی تھی عالیہ بھٹ اب اپنے لئے بہت ہی سوچ سمجھ کر فلمز منتخب کررہی ہیں امتیاز علی کے ساتھ ہائی وے کرنے کے بعد وہ ۲؍ اسٹیٹس میں بھی نظر آنے والی ہیں جو کہ ایک بہت ہی مشہورناول پر مبنی ہے۔ عالیہ بھٹ کا خیال ہے کہ ہائی وے ایک بہت ہی بہترین سفر رہا ہے . امتیاز نے عالیہ بھٹ کے ادر کے سنگر کو بھی باہر نکالا اور ہائی وے میں ایک گانا عالیہ بھٹ کی آواز میں ریکارڈ کیا عالیہ بھٹ نے بتایا کہ جب امتیاز نے ان سے گانا گانے کو کہا تو وہ تو حیران رہ گئیں . اے آر رحمان کے اسٹوڈیو میں جا کر عالیہ بھٹ کو یہی احساس ہوا کہ وہ آخر یہاں پر کیا کر رہی ہیں . لیکن گانا ریکارڈ کرنے کے بعد عالیہ بھٹ کو بہت ہی اچھا محسوس ہوا . عالیہ بھٹ نے میڈیا سے یہ بھی کہا کہ اگر وہ ایکٹنگ میں ہٹ نہ ہو سکیں تو وہ سنگر بن جائیں گی . یعنی کہ کہیں نہ کہیں عالیہ بھٹ اپنے اندر کے ٹیلنٹ کو پہچان رہی ہیں اور اسے بہتر بنانے کی کوشش بھی کر رہی ہیں . عالیہ بھٹ نے حال ہی میں ہوئے اپنے انٹرویو کے دوران کہا ” میں سپر اسٹار بننا چاہتی ہوں لیکن میں پہلے ایک اچھی ایکٹریس ثابت کرنا چاہتی ہوں . اس کے بعد ہی سپر اسٹار بننے کی سمت میں قدم بڑھائوںگی ۔ اس وقت میں نے کچھ بھی نہیں حاصل کیا ہے . ابھی تو میں زیرو پر ہی ہوں . سپر اسٹار بننے کے لئے مجھے اپنے اندر ایک کشش اور ناظرین کو اپنی طرف متوجہ کرنے کی خوبی بھی ہونی چاہئے . میں بھی یہ سب کچھ جلد ہی کر پاوںگی ۔
