طالبہ کا موبائل فون چوری کرتے چور گرفتار

لکھنؤ(نامہ نگار)وبھوتی کھنڈ واقع ویب مال میں خریداری کر رہی ایک طالبہ کی جیب سے ایک نوجوان نے موبائل فون نکال لیا۔ طالبہ نے اپنے والد کی مدد سے چور کو موقع پر ہی پکڑ لیا۔ ایس او وبھوتی کھنڈ پنکج سنگھ نے بتایا کہ وشال کھنڈ میں رہنے والی طالبہ اپوروا کھیر جمعرات کی شب اپنے والد سنتوش کمار کھیر کے ساتھ ویب شاپنگ مال گئی تھی۔ بتایا جاتا ہے کہ اپوروا مال میں میگ ڈونالڈ ریسٹورینٹ سے کچھ سامان خرید رہی تھی کہ ایک نوجوان نے اس کے کوٹ کی جیب سے سیمسنگ کا موبائل فون نکال لیا۔ اتفاق سے اپوروا کو اس بات کا احساس ہو گیا اور اس نے مذکورہ چور کو اپنے والد کی مدد سے موقع پر ہی پکڑ لیا۔
اطلاع ملنے پر پہنچی پولیس نے چورکو گرفتار کر لیا۔ پوچھ گچھ میں پکڑے گئے چور نے اپنا نام غازی پور کا کرن بتایا۔