لکھنؤ ۔ (نامہ نگار)بازار کھالہ پولیس نے دوشنبہ کی رات انٹرکے ایک طالب علم سمیت دو افراد کو گرفتار کیا ہے ۔ سی او بازار کھالہ سرویش کمار مشرا نے بتایا کہ بازار کھالہ پولیس نے دوشنبہ کی دیر رات عیش باغ کے نزدیک سے دو موٹر سائیکل سوارنوجوانوں کو پکڑا ۔سختی سے پوچھ گچھ میں نوجوانوں نے بتایا کہ مذکورہ موٹر سائیکل چوری کی ہے ۔ پوچھ گچھ میں ملزمان نے اپنا نام تروینی گنج کا ونیت عرف وپن اور وزیر گنج برہانہ کا ریشبھگوتم بتایا ۔ ملزمان نے بتایا کہ برآمد ایک موٹر سائیکل ۹۲ جنوری کو چوک اور دوسری موٹر سائیکل وزیر گنج علاقے سے ۲ فروری کو چوری کی تھی ۔پولیس کے قبضہ سے ماسٹر کنجی بھی برآمد کی ہے ۔ پولیس کا کہناہے کہ ریشبھ امین آباد انٹر کالج میں انٹر کا طالب علم ہے اور اپنے شوق پورے کرنے کیلئے گاڑی چوری کر رہا تھا ۔
