”عاشقی 3 ”کے لئے سدھارتھ-عالیہ صحیح پسند ہیں: مکیش

ممبئی:بالی ووڈکے فلم ساز مکیش بھٹ کا کہنا ہے کہ ”عاشقی 3”کے لئے سدھارتھ ملہوترا اور عالیہ بھٹ کی جوڑی بالکل موزوں ہے ۔
بالی وڈ کے مشہور فلم ساز مکیش بھٹ ”عاشقی”سیریز کی تیسری فلم ”عاشقی 3” بنانے والے ہیں ”عاشقی3”میں سدھارتھ اور عالیہ کو لیا گیا ہے جوایک ساتھ ان کی تیسری فلم ہوگی۔ اس سے پہلے دونوں ”اسٹوڈنٹ آف دی ایئر”اور ”کپور اینڈ سنز” میں ساتھ کام کر چکے ہیں۔
مکیش نے کہا، ”ہم نے اس فلم کے لئے سدھارتھ اور عالیہ کو سائن کیا ہے ۔اس کردار کے لئے دونوں بالکل موزوں ہیں۔جب بھی ہم فلم بناتے ہیں تو اس کے لئے مناسب آرٹسٹ کا انتخاب کرنا چاہتے ہیں اور اس فلم کے لیے یہ دونوں ہی موزوں ہیں۔ فی الحال ہم فنکاروں کی ڈیٹس کا اور دیگر تفصیلات حاصل کرنے کا کام کررہے ہیں ۔فلم کی شوٹنگ کب شروع ہوگی، اس کاجلد ہی فیصلہ ہوگا۔