بالی ووڈ کے متعدد ابھرتے ہوئے اداکاروں کی خواہش ہوتی ہے کہ وہ بولی وڈ کے 3 کامیاب اور مشہور اداکار سلمان، عامر اور شاہ رخ خان کے ساتھ کام کریں البتہ بولی وڈ کے نئے اداکار 
ٹائگر شروف ان تینوں خان کے ساتھ کام کرنے میں کوئی دلچسپی نہیں رکھتے۔
ٹائگر شروف سے حال ہی میں ایک ایونٹ کے دوران پوچھا گیا کہ وہ بولی وڈ کے کس خان کے ساتھ کام کرنا چاہیں گے جس پر اداکار کا جواب تھا کہ وہ کسی کے ساتھ بھی کام کرنے کا شوق نہیں رکھتے۔
اس بات کی وجہ بتاتے ہوئے ٹائگر کا کہنا تھا کہ اگر وہ ان اداکاروں کے ساتھ کام کریں گے تو شائقین سارے توجہ ان ہی اداکاروں کے جانب ہوگی جب کہ ان کو کوئی نہیں دیکھے گا۔
ٹائگر شروف اس وقت فلم ‘باغی’ میں اداکاری کر رہے ہیں جن میں ان کے ساتھ اداکارہ شردھا کپور بھی نظر آئیں گی۔
ٹائگر کے گزشتہ ماہ ریلیز ہوئی میوزک ایلبم ‘زندگی آرہا ہوں میں’ کو شائقین کی بھرپور داد وصول ہوئی تھی۔
