ممبئی۔بالی ووڈ کے مسٹر پر فیکٹ عامر خان ایک بار پھر گلو کار بن گئے ہیں جنھوں نے اس سے قبل 1998 میں اپنی فلم غلام کیلئے گانا آتی کیا کھنڈالہ گا کر اس گانے کو ہی مقبول بنادیا تھا۔کئی سال بعدعامر خان نے اپنے مقبول ترین ٹی وی شو ستیہ میو جیتے کے سیزن ٹو کا ٹائٹل گانا اپنی آواز میں ریکارڈ کر وا کر مداحوں کو ایک نیا تحفہ دیا ہے۔سیاسی ،سماجی،مذہبی مشکلات ،مسائل اور ان کے حل پر مبنی اس سنجیدہ ترین پروگرام کی میزبانی کے فرائض بالی ووڈ سپر اسٹار عامر خان ادا کر رہے ہیں۔ جنھوں نے اس شو کے سیزن ون کو نہ صرف کامیاب بنایا بلکہ اپنے منفرد کر دارکے سبب سب سے داد بھی وصول کی۔
