کراچی: اداکار وگ لوکارعلی ظفرکراچی پہنچ گئے وہ اپنے نجی دورے پرکراچی آئے ہیں۔گزشتہ روزنمائندہ ایکسپریس سے خصوصی بات چیت کرتے ہوئے علی ظفرکا کہناتھاکہ ہندوستانی عوام نے مجھے اتنا پیار دیاکہ میں سوچ بھی نہیں سکتاتھا، پاکستان میں معیاری کام ہورہاہے،جلد ہی ہم ہندوستانی فنکاروں کو اپنی فلموں میں کاسٹ کریں گے۔ علی ظفر کا کہنا تھا کہ فلم ’’ٹوٹل سیاپا‘‘ کا رسپانس مجھے انڈیااورپاکستان سے بہت اچھاملا ہے،اس فلم میں تمام فنکاروں نے میرے ساتھ تعاون کیاہے۔ایک سوال کے جواب میں علی ظفرکاکہناتھا کہ میں اپنی آنے والی فلم ’’کل دل ‘‘کے لیے مزید محنت کررہا ہوں۔ فلم’کل دل‘میں میرے ساتھ گوندا،رنویرسنگھ، رانی مکھرجی اور پریتنی چوپڑا جیسے بڑے فنکار ہیں ویسے تو تمام ہی فنکاراپنے طورپرمعیاری کام کررہے ہیں مگرمیں اپنی خوبیوں اور خامیوں پر نظر رکھتا ہوں۔ ان کامزیدکہناتھاکہ جلدوہ وقت بھی آئے گاکہ ہم ہندوستانی فنکاروں کواپنی فلموں میں کاسٹ کرینگے۔
