ممبئی(وارتا)بالی ووڈکے معروف فلمساز اداکار فرحان اختر اپنی سپرہٹ فلم راک آن کا سیکول بنانے جارہے ہیں۔ بالی ووڈ میں اس بات کاذکر ہے کہ فرحان اختر ریتیش سدھوانی کے ساتھ مل کر راک آن کے سیکول کو بنانے کیلئے تیاری کررہے ہیں ۔بتایا جاتا ہے کہ اس فلم کی ہدایت کاری اشتہاری فلموں کے مشہور ہدایت کار شجاعت سوداگر کریں گے۔ اس سلسلے میں فرحان نے ابھیشیک کپور سے بات چیت کی تھی لیکن بات نہیں بن سکی تھی۔ اس سے قبل راک آن کے ہدایت کار ابھیشیک کپور تھے بتایا جاتا ہے کہ فرحان راک آن کے سیکول میں اپنی پرانی فلم کے ستاروںکا ہی انتخاب کر یں گے۔ حالانکہ اس سلسلے میں باقاعدہ تصدیق نہیں کی گئی ہے ۔ واضح رہے کہ ۲۰۰۸ میںآئی فلم راک آن میں فرحان اختر، ارجن رام پال ، پراچی دیسائی ، سوہانہ گوسوامی اور پورو کوہلی نے اہم کردار ادا کیاتھا۔ راک آن کی شوٹنگ جنوری ۲۰۱۵ سے شروع کئے جانے کا ذکر ہے۔
