فرینک ربیری فرنچ فٹ بالر آف دی ایئر قرار

پیرس۔ فرانس کے فٹبال اسٹار فرینک ربیری کو فرنچ پلیئر آف دی ایئر قرار دیا گیا ہے۔ انہیں یہ اعزاز فیفا کی جانب سے سال کے بہترین کھلاڑی کیلیے جاری کردہ تین افراد کی مختصر کردہ فہرست میں شامل کیے جانے ایک روز بعد ملا ہے۔ فیفا کی شارٹ لسٹ میں ان کے ساتھ ارجنٹینا کے لیونل میسی اور پرتگال کے کرسٹینانو رونالڈو شامل ہیں۔ فرینک ربیری ان دنوں زبردست فارم میں ہیں، ان کی شاندار کارکردگی کی بدولت جرمن کلب بائرن میونخ نے گزشتہ برس چیمپینز لیگ، جرمن بنڈس لیگا اور جرمن کپ کے ٹائٹل جیتے ہیں۔