فلم’بابی جاسوس‘ ’کرم چند‘ کو معنون: ودیا بالن

ممبئی(وارتا)بالی ووڈ میں اپنی سنجیدہ اداکاری کیلئے مشہور ودیا بالن نے اپنی آنے والی فلم ’بابی جاسوس‘ کو مقبول سیریل ’کرم چند‘ کو معنون کیا ہے۔ دیا مرزا کی فلم’بابی جاسوس‘ میں ودیا بالن نے خاتون جاسوس کا کردار ادا کیا ہے۔ ودیا بالن نے کہا کہ جاسوسی فلموں کے آنے سے قبل تک شاید ’کرم چند‘ ہی جاسوسی پر مبنی پروگرام تھا۔ ہم نے توبابی جاسوس کے ایک مکالمہ میں کرم چند اور ان کی معاون کٹی کو خراج عقیدت پیش کیا ہے۔ ودیا بالن نے کہا کہ فلم کی ورکشاپ کے دوران میں نے کرم چند کی طرح اداکاری کرنے کو یاد کیا۔ میں پنکج کپور سے ملی اور میں کہنا چاہتی تھی کہ بابی جاسوس کرم چند کی چھوٹی اولاد ہے لیکن میں ایسا نہیں کہہ سکی۔ ۸۰کی دہائی کا کرم چند سب سے مقبول پروگرام تھا۔ جس کوپنکج کپور نے اپنی اداکاری سے یادگار بنا دیا۔ واضح رہے کہ دیا مرزا اور ہدایت کار سمر شیخ کی بابی جاسوس میں ودیا بالن کے ساتھ علی فضل مرکزی کردار ادا کر رہے ہیں یہ فم ۴جولائی کو ریلیز ہوگی۔
عام آدمی کا کردار ادا کریںگے رتیش دیشمکھ
ممبئی(وارتا)بالی ووڈ میں اپنی مخصوص اداکاری کیلئے مشہور رتیش دیشمکھ اپنی آنے والی فلم ’ایک ولین‘ میں عام آدمی کا کردار ادا کرتے ہوئے نظر آئیںگے۔ رتیش دیشمکھ ان دنوں موہت سوری کی ہدایت کاری میں بن رہی فلم ’ایک ولین‘ میںکام کر رہے ہیں اس فلم میں رتیش دیشمکھ ایک عام آدمی کا کردار ادا کر رہے ہیں فلم میٰں رتیش دیشمکھ کا کردار بھیڑ میں چھپے ایک ایسے شخص کا ہے جو کچھ علاحدہ اور بڑا کرنا چاہتا ہے۔ اپنے اس کردار کو بہتر بنانے کیلئے رتیش دیشمکھ نے نصیر الدین شاہ سے ملاقات کی ہے۔نصیر الدین شاہ نے فلم ’اے ویڈنس ڈے‘ میں کچھ ایسا ہی کردار ادا کیا تھا۔