ممبئی(وارتا)بالی ووڈ میں اپنی سنجیدہ اداکاری کیلئے مشہور ودیابالن اپنی آنے والی فلم بابی جاسوس کو لیکر ان دنوں بیحد پرجوش ہیں۔ بابی جاسوس کی فلم ساز دیا مرزانے ساحل سندھا کے ساتھ مل کر فلم بنائی ہے۔ دیا مرزا اس سے قبل لو بریک اپ زندگی نام کی ایک فلم بناچکی ہیں ۔حال ہی میں بابی جاسوس کی شوٹنگ ۵۱دنوںمیںمکمل کرلی گئی ہے۔ اس فلم میں ودیا بالن نے ایک خاتون جاسوس کا کرداراداکیا ہے۔ ودیا بالن نے کہا کہ دیا مرزااور ساحل سندھا نے بہت لگن سے بابی جاسوس فلم بنائی ہے۔ اس فلم کے ہدایت کار سمرشیخ ہیں جو ان کی پہلی فلم ہے ودیا نے کہا کہ بھلے ہی سمر شیخ نئے ہدایت کار ہیں لیکن انھوںنے کافی اچھا کام کیاہے۔ میں اس فلم کو لیکر بیحد پرجوش ہوں اورفلم کی نمائش کا انتظارکررہی ہوں۔ یہ فلم اس سال مئی جون میں ریلیز ہوسکتی ہے۔ وہیں اداکارہ ودیا بالن نے کہا ہے کہ ان کی فلم “بابی جاسوس ‘محض ایک جاسوسی فلم نہیں ہے. بالی وڈ میں جگگا جاسوس، ویوم کیش بخشی جیسی دوسری جاسوسی فلمیںبھی بن رہی ہیں. ایسے میںودیا کی ‘بابی جاسوس’ کو بھی اسی طرز کی فلم سمجھا جا رہا ہے. بقول ودیا،دیگر فلموں کے ساتھ ہماری کوئی مقابلہ نہیں ہے۔ یہ ایک خاتون جاسوسی فلم ہے۔ اس میں انسانی پہلو بھی ہے۔مجھے نہیں پتہ کہ میری فلم دیگر فلموں سے کس طرح مختلف ہے کیونکہ میں دوسروں کے بارے میں نہیں سوچ رہی. میرا خیال ہے کہ ہر فلم دوسرے سے مختلف ہے. بابی جاسوس کی فلمسازاداکارہ دیا مرزا اور ساحل سانگھوی کے پروڈکشن ہاؤس بورن فائرانٹرٹینمنٹ کے تحت کیا جا رہا ہے. ودیا ان دنوں اپنی نئی فلم ‘شادی کے سائڈایفیکٹس کی تشہیر میں مصروف ہیں۔
