ممبئی: فلم ”باجی رائو مستانی” بالی ووڈ کی پہلی منہگی ترین فلم ہوگی۔ فلم کی تیاری پر دو ارب دس کروڑ لاگت آئی ہے، اداکارہ دپیکا پڈکون اور رنویرسنگھ کی نئی فلم ”باجی راؤ مستانی” دو ارب دس کروڑ کے بجٹ سے بننے والی بالی وڈ کی پہلی مہنگی ترین فلم ہوگی۔
ہدایتکار سنجے لیلا بھنسالی کی نئی فلم ”باجی راؤ مستانی” میں مراٹھا سلطنت کی تاریخ بیان کی جائے گی۔ فلم میں حقیقی رنگ بھرنے کے لیے تمام اداکاراؤں کیلیے اس دور کے ملبوسات تیار کیے گئے ہیں، بالی وڈ ذرائع کے مطابق تاریخی فلم کا بجٹ دوارب دس کروڑ ہے، جو بھارتی فلم انڈسٹری میں نیا ریکارڈ ہے۔
باجی راؤ مستانی میں رنویر سنگھ کے مقابل دپیکا جلوہ گر ہوئی ہیں۔ جبکہ پریانکا چوپڑا کا بھی فلم میں اہم کردار ہے۔
