لاس انجلس 22 فروری (یو این آئی)ہالی ووڈ اور اس کے جدوجہد کرنے والے ادداکاروں کو آئینہ دکھانے والی فلم ‘‘برڈ مین’’کو دنیا کے سب معروف اور گرانقدر آسکر ایوارڈ ز میں بہترین فلم کا ایوارڈ ملا ہے ۔ اس زمرے کی دوسری نامزد سبھی آٹھ فلمیں کوئی بھی ایوارڈ حاصل نہیں ک
ر سکیں۔ برڈمین کے لیے بہترین ہدایت کار کا ایوارڈبھی الیجاندرو گونزالیز ایناریٹو کے حصے میں آیا ۔ اس فلم کو بہترین اسکرین پلے کے ساتھ مجموعی طور پر چار ایوارڈوں سے نوازا گیا۔
ایمینوئل لوبیزکو کو لگاتار دوسری بار بہترین سینیمیٹوگرافی کا ایوارڈ ملا۔ یہ ایوارڈ بھی فلم ‘برڈ مین’ کے لیے دیا گیا۔بہترین ڈاکومینٹری کا ایوارڈ ‘سٹیزن فور’ کے حصے میں آیا جوامریکی تاریخ کے سب سے بڑے انٹیلیجنس لیک پر مبنی ہے ۔بہترین ساؤنڈ ایڈیٹنگ کا ایوارڈ کلنٹ ایسٹ وڈ کی عراقی جنگ پر مبنی فلم ‘امریکن سنائپر’ کو ملا۔فلم ‘گرانڈ بڈاپسٹ ہوٹل’ کو بہترین کوسٹیوم ڈیزائن، میک اپ اور ہیئر اسٹائل، اوریجنل سکور اور بہترین پروڈکشن ڈیزائن کے لیے انعامات دیئے گئے ۔ ‘وپلیش’کے حصے میں تین ایوارڈآئے ۔ بہترین اداکارہ کا ایوارڈ جہاں جولیانا مورکو فلم ‘سٹل ایلس’ کے لئے ملا وہیں بہترین اداکار ایوارڈ کے لئے برطانوی اداکار ایڈی ریڈمینی کو فلم ‘تھیوری آف ایوری تھنگ’ کے لئے مستحق قرار دیئے گئے ۔ ایوارڈ حاصل کرتے ہوئے ایڈی ریڈمینی نے جذباتی ہو کر کہا کہ وہ خوب جانتے ہیں کہ وہ خوش قسمت واقعی بہت خوش قسمت ہیں۔انھوں نے اس موقعے پر اپنے ساتھی اداکار فلیسیٹی جونز، ہدایت کار جمیز مارش اور اپنی اہلیہ اور اہل خانہ کا شکریہ ادا کیا۔فلم ‘بائے ہڈ’ کی اداکارہ پیٹریشیا آرکیٹ کو لاس اینجلس میں منعقد ہونے والے 87 ویں اکیڈمی ایوارڈ میں بہترین معاون اداکارہ کے اعزاز سے سرفراز کیا گیا۔
بہترین معاون اداکار کا ایوراڈ جے کے سیمنز کو فلم ‘وپلیش’ میں ایک موسیقی کے سکول میں سخت ڈرم بجانے والے استاد کا کردار نبھانے کے لیے دیا گیا ۔ایوارڈ حاصل کرتے ہوئے پیٹریشیا نے ‘بائے ہڈ’ فلم سے منسلک افراد کے ساتھ ان تمام ماؤں کا شکریہ ادا کیا جنھوں نے بچہ پیدا کیا اورکہاکہ وہ ان تمام خواتین کے لیے جنھوں نے ہرکسی کے حق لیے لڑائی کی ہے ،مساوی اجرت حاصل کرنے کے لیے ‘‘ اب یہ ہمار وقت ہے ’’۔ پہلی بار آسکر انعام کے لیے نامزد سیمنز نے ایوارڈ حاصل کرتے ہوئے اپنے اہل خانہ اور ‘شاندار’ اہلیہ کے ساتھ ساتھ اپنے بچوں کا شکریہ ادا کیا۔بہترین لائیو شارٹ ایکشن فلم کا ایوارڈ برطانوی جوڑی میٹ کربی اور جیمز لوکاس نے اپنی فلم ‘دا فون کال’ کیلئے حاصل کیا۔پولینڈ کی بلیک اینڈ وائٹ فلم ‘ایڈا’ کوغیر ملک کی بہترین فلم کا ایوارڈ دیا گیا۔بہترین نغمے کا ایوارڈفلم ‘سیلما’ میں جان لیجنڈ اور کامنز کے گیت ‘گلوری’ کے حصے میں آیا۔
