ممبئی(ایجنسی)اداکار رنبیر کپور اور اداکارہ پرینکا چوپڑا ؍۵۹ ویں فیئر ایوارڈ س کے شریک میزبان ہوں گے ۔ دیسی گرل کے نام سے مشہور پرینکا پروگرام کو لے کر کافی گھبرائی ہوئی ہیں ۔پرینکا کا کہنا ہے فیئر اورڈس اپنے آپ میں ایک تجربہ ہے ۔ یہ پہلی بار ہے جب میں ایوارڈس کی میزبان کروں گی ۔ میں بہت نروس ہوں ۔ پرینکا نے بتایا میں نے کچھ خاص نہیں کیا ہے لیکن رنبیر اور میں شو میں مزہ لانے کے لئے کافی محنت کر رہے ہیں اس لئے یہ ہمارے لئے دلچسپ وقت ہے ۔پرینکا نے کہا کہ ابھی تک بہت ہی کم لڑکیوں نے انعام شو کی میزبانی کی ہے ۔ لیکن ہاں ، آپ پر بہت دباؤ ہوتا ہے ، کیونکہ فیئر ایوارڈ س ہمیشہ سے ایک دلچسپ اورمزیدار پروگرام ہوتا ہے ۔ اس کا اپنا ایک معیار ہے ، جو ناظرین نے طے کیا ہے ، رنبیر کی بھی اس میں شرکت ہے ۔انہوں نے مزید کہا کہ چاہے وہ شاہ رخ خان ہوں ، سیف علی خان ہوں ، رنبیر کپور یا عمران خان ہوں ، جتنے بھی لوگ اس پروگرام کے میزبان رہے ہیں ، انہوں نے اس معیار بنا کر رکھا ہے ۔ تو یہ دلچسپ بھی ہے اور تھوڑا ڈراونا بھی ۔ قابل ذکر ہے کہ ۵۹ ویں فیئر ایوارڈتقریب ۲۴ جنوری کو ممبئی میں یش راج فلمس اسٹوڈیو میں منعقد کی جانا ہے ۔فلم’ ڈان اور ڈان -۲ کے بعد یہ بحث تیز ہو گئی تھی کہ پرینکا چوپڑا اور شاہ رخ خان کی جوڑی کافی رومانٹک ہے اور پی سی شاہ رخ کے ساتھ رومانوی کردارپر زیادہ اچھی لگتی ہیں ۔ لیکن پرینکا نے ان سب باتوں کو مسترد کر تے ہوئے حال ہی میں
کہا کہ وہ کسی کے ساتھ بھی رومانس کر سکتی ہیں ۔
یہ ان کا کام ہے اور اس معاملے میں وہ بالکل صاف ہیں ۔ رومانس کے معاملے میں کنگ خان کا نام بار بار لیے جانے پر پرینکا نے اعتراض کرتے ہوئے کہا کہ وہ اسکرین پر کسی کے ساتھ بھی رومانس کر سکتی ہیں ۔ میڈیا زبردستی ان کا نام صرف شاہ رخ کے ساتھ جوڑتی ہیں ۔ ان دنوں پرینکا اپنے موسیقی کے کیریئر کی طرف کافی توجہ دے رہی ہیں ۔ اس لئے وہ اپنے میوزک البم کے تیسرے ویڈیو کی شوٹنگ کیلئے امریکہ جا رہی ہیں ۔ خبر ہے کہ پی سی جلد ہی امریکہ جائیں گی ۔ ذرائع نے بتایا ان کے پاس کئی برانڈ کمٹمنٹس ہیں ، جنہیں وہ جلد ہی مکمل کرنا چاہتی ہیں ۔ بتایا جاتا ہے کہ پی سی کا گانا تو پہلے ہی ریکارڈ ہو چکا ہے لیکن اب بھی طے کرنا باقی ہے کہ اس ویڈیو کہاں شوٹ ہوگا ۔ نیو یارک میں یا لاس اینجلس میں ۔ امریکہ میں ان کا یہ۱۵ دن کا شیڈول ہے ۔
