ممبئی (وارتا)بالی ووڈ اداکار عمران ہاشمی اورودیابالن کی جوری والی فلم ہماری ادھوری کہانی میں مہیش بھٹ کی نجی زندگی بیان کی جائے گی۔ مکیش بھٹ ،عمران ہاشمی اورودیا بالن کو لیکر ایک فلم بنانے جارہے ہیں اورفلم کا نام ہماری ادھوری کہانی رکھا گیا ہے اس فلم کے ہدایت کار موہت سوری ہوں گے۔فلم کی اسکرپٹ مہیش بھٹ لکھ رہے ہیں۔ بتایا جاتا ہے کہ اس فلم میں مہیش بھٹ کی نجی زندگی پیش کی جائے گی مہیش نے کہا کہ جب دس سال کی عمر میں میرے والد کی موت ہوئی تھی تب میری سوتیلی ماں نے مجھ سے کہا تھا کہ تمہارے والد کی
لاش گھر نہیں آئے گی میں اپنی سوتیلی ماں کو ولن سمجھتا تھالیکن ان کی رحم دلی دیکھ کر حیران رہ گیاتھا۔ مہیش نے کہا کہ میں اپنی زندگی اپنی ماں کے نظریہ سے دیکھتاتھا لیکن جب میں نے اسے اپنی سوتیلی ماں کے نظریہ سے دیکھاتو محسوس کیا کہ ان کی کہانی دردناک اوردل توڑنے والی تھی۔ بتایاجاتا ہے کہ اس فلم میں عمران ہاشمی اورودیا بالن کے علاوہ راج کمار رائو کا بھی اہم کردار ہوگا یہ فلم اکتوبر میںشروع ہوگی۔
