فیروز آباد میں سڑک حادثہ میں دو افراد ہلاک

فیروز آباد، 14 جنوری (یو این آئی) اترپردیش میں ضلع فیروز آباد میں ایک ٹریکٹر اور ٹیمپو کی آپس میں ٹکر سے دو افراد موقع پر ہی ہلاک اور 9 زخمی ہوگئے۔پولیس ذرائع نے آج یہاں بتایاکہ مٹسینا علاقہ میں آگرہ۔کانپور قومی شاہراہ پر کل رات گئے گھنے کہرے کی وجہ سے ایک ٹریکٹر اور مزدوروں سے بھرے ایک ٹیمپو میں ٹکر ہوگئی جس سے دو مزدور موقع پر ہی ہلاک اور 9 دیگر زخمی ہوگئے ہیں۔انہوں نے بتایاکہ لاشیں پوسٹ مارٹم کے لئے بھیج دی گئی ہیں اور زخمیوں کو ضلع اسپتال میں داخل کرا دیا گیا ہے۔