کراچی: سماجی رابطوں کی ویب سائٹ فیس بک پاکستان سمیت دنیا بھر میں ممکنہ طور پر تیکنیکی خرابی کے باعث عارضی طور پر بند ہو گئی جس کے بعد صارفین کی جانب سے پریشانی کا اظہار کیا گیا۔
تفصیلات کے مطابق سائٹ فیس بک دنیا بھر میں عارضی طور پر بند ہو گئی ہے جسے بھرپور کوششوں کے بعد بحال کردیا گیا ہے۔
ویب سائٹ ڈاؤن ہونے کا واقعہ آج رات ساڑھے نو بجے کے بعد پیش آیا جو 10 سے 15 پندرہ منٹ میں بحال ہوگئی۔
اس دوران جو یوزر فیس بک پر لاگ ان کرنے کی کوشش کرتا تو اس پر لاگ ان کی تفصیلات مانگنے کے بجائے ’پیچھے جانے‘(گو بیک) کا آپشن آریا تھا اور سائٹ پر لکھا ہوا تھا کہ فیس بک عارضی پر دستیاب نہیں۔
سماجی رابطوں کی دنیا کی سب سے بڑی ویب سائٹ کی اپلی کیشن اور ویب سائٹ دونوں ہی کام نہیں کر رہے تھے جبکہ اس حوالے سے حکام نے بھی کوئی بیان جاری نہیں کیا تھا۔
فیس بک بند ہو جانے سے پاکستان سمیت دنیا بھر صارفین کو شدید مشکلات کا سامنا تھا اور وہ اس کا اظہار سماجی رابطوں کی ایک اور ویب سائٹ توئٹر پر کر رہے تھے۔
