فیڈ رر کی ٹیم میں شامل ہو نے سے خوش ہوں: ثانیہ

 حیدرآباد۔ڈبلیوٹی اے فائنلس ڈبلز خطاب سمیت اس سال کئی بڑے مقابلہ جیتنے سے حوصلہ افزائی ملک کی اسٹار ٹینس کھلاڑی ثانیہ مرزا نے کہا کہ وہ اب انٹرنیشنل پریمیئر ٹینس کیلئے تیاری کر رہی ہے جس میں وہ عظیم سوئس کھلاڑی راجر فیڈرر کی ٹیم میں ہیں۔ ثانیہ نے پی ٹی آئی سے کہامجھے لگتا ہے کہ یہ اس علاقے کیلئے بہت اچھی بات ہے کہ ٹینس کے بڑے بڑے کھلاڑی ہندوستان میں آکر کھیل رہے ہیں۔میں ذاتی طور پر بہت حوصلہ افزائی ہوں کہ میں اس ٹیم میں ہوں جس میں راجر فیڈرر ہیں۔میں اس مقابلہ میں کھیلنے کی شوقین ہوں۔مقابلہ کا خاکہ بہت اچھا ہے، لگتا ہے ک
ہ کھیل کے شائقین کو یہ پسند آئے گا۔آئی پی ٹی ایل میں ہندوستان سمیت چار فرینچایزی اگلے ماہ ہونے والے اس مقابلے میں حصہ لے رہی ہیں۔مقابلہ میں راجر فیڈرر کے علاوہ نوواک جوکووچ اینڈی مرے اور پیٹ سمپراس وغیرہ بڑے کھلاڑی حصہ لے رہے ہیں۔ ثانیہ نے زمبابوے کی کارا بلیک کے ساتھ مل کر باوقار ڈبلیوٹی اے ٹور خطاب جیتا۔انہوں نے یو ایس اوپن میں مخلوط ڈبلز خطاب جیتنے کے علاوہ ایشیائی کھیلوں میں مخلوط ڈبلز میں طلائی تمغہ حاصل کیا۔ ثانیہ نے کہامیں نے اس سال گرینڈسلیم جیتا اور ڈبلیوٹی اے چمپئن شپ جیتی۔یہ میرے مقصد تھے۔اس لئے میں نمبر ایک بننے کی کوشش کروں گی۔امید ہے کہ اگلے سال ایسا ہوگا۔ثانیہ نے کہاسیشن کا اس طرح سے اختتام کرنا بہت اچھا رہا۔اصل میں میں نے وہ حاصل کیا جو کوئی بھی ٹینس کھلاڑی ایک سال میں حاصل کرنا چاہتا ہے۔میں نے گرینڈسلیم جیتا، ایک طلائی تمغہ حاصل کیا خاص شراکت کارا بلیک کے ساتھ کا اس طرح سے جیت کے ساتھ ختم کرنا شاندار رہا۔ثانیہ نے ایک سوال کے جواب میں کہا کہ جب وزیر اعظم نریندر مودی نے ان کو فتح پر مبارکباد دی تو وہ کافی معزز محسوس کر رہی تھی۔ ثانیہ نے کہا کہ ملک میں ٹینس کے کھیل کا مستقبل کافی روشن نظر آ رہا ہے کئی نوجوان کھلاڑی آگے آ رہے ہیں لیکن کھلاڑیوں کو دنیا میں سب سے بہترین بننے کیلئے ابھی وقت لگے گا۔